Os dewiswch fyw yn Queen Elizabeth Court, gallwch fwynhau:

• Pum acer o erddi ac ierdydd mewnol sy’n darparu lle tawel i eistedd a mwynhau arogl y blodau. Mae’r Cartref hefyd o fewn pellter tro byr o lan y môr a thraethau tywod tref Llandudno.

• Y Tŷ Cymorth Dementia (sydd i’w ymestyn yn 2021) sy’n defnyddio technoleg gynorthwyol fel dyfeisiau llechen a byrddau hud, i gynorthwyo cyfathrebu ac ymgysylltu.

• Gweithgareddau rheolaidd ar y safle fel ymweliadau gan ysgolion lleol, cŵn PAT, Sefydliad y Merched, Age Cymru, Tai-chi, perfformiadau gan Music for Hospital, cantorion a cherddorion rheolaidd yn ogystal â ffilmiau, cwisiau ac ali fowlio dan do.

• Mynediad at weithgareddau a gwasanaethau allanol yn defnyddio bws-mini’r Cartref i fynd ar dripiau undydd i’r traeth a mannau hyfryd a difyr eraill.

Mae’r rhan fwyaf o’n staff gofal wedi cwblhau, neu’n gweithio tuag at, NVQ/QCF mewn Iechyd a Gofal Cymdeithasol.  Mae gennym hefyd Brif Nyrs Glinigol sydd ar gael i oruchwylio a sicrhau bod y staff yn darparu gofal diogel ac effeithiol.

Mae system galw nyrs 24 awr wedi’i gosod yn ystafelloedd ein holl breswylwyr ac mae gan bob person larwm personol i’w gario er mwyn gallu galw am gymorth o gwmpas y Cartref neu’r safle.

Mae gennym Gydlynydd Gweithgareddau sy’n trefnu amrywiaeth o weithgareddau yn ogystal â thripiau y tu allan i’r Cartref, i gynnal iechyd a lles ein preswylwyr.

Cofiwch y bydd lefel y gofal y bydd pob person yn ei dderbyn yn dibynnu ar anghenion yr unigolyn. Mae hyn yn cael ei fonitro a’i adolygu’n barhaus i sicrhau bod pob person yn derbyn y lefel iawn o ofal. Gallwn weithiau addasu lefel y staffio mewn gwahanol rannau o’r Cartref i gwrdd â lefel y gofal sydd ei angen ar breswylwyr ar adegau neilltuol.